ஈரான் சரணடையாது: கமேனி உறுதி

ஈரான் ஒருபோதும் சரணடையாது என்று அந்நாட்டுத் தலைமை மதகுரு அயதுல்லா அலி கமேனி அமெரிக்க அதிபர் டிரம்ப்புக்கு திட்டவட்டமாகப் பதிலளித்துள்ளார்.

- 

துபை, ஜூன் 18:

இஸ்ரேல்-ஈரான் இடையிலான தாக்குதல் தொடர்ந்து வலுத்துவரும் நிலையில், ஈரான் நிபந்தனையின்றி சரணடைய வேண்டும் என்று அமெரிக்க அதிபர் டொனால்ட் டிரம்ப் செவ்வாய்க்கிழமை தெரிவித்தார்.

இந்நிலையில், ஈரான் அரசுத் தொலைக்காட்சியில் ஏற்கெனவே பதிவு செய்யப்பட்ட கமேனியின் பேச்சு புதன்கிழமை ஒளிபரப்பப்பட்டது. அதில் அவர் கூறியதாவது: ஈரான் மற்றும் அதன் வரலாற்றை அறிந்தவர்கள், ஈரானை மிரட்டும் மொழியில் பேசமாட்டார்கள். ஏனெனில் ஈரான் ஒருபோதும் சரணடையாது.