ஹூதிக்களுடன் சமாதானம்: டிரம்ப் அறிவிப்பு

செங்கடல் வழியாகச் செல்லும் சரக்குக் கப்பல்கள் மீது தாக்குதல் நடத்துவதை நிறுத்த யேமனின் ஹூதி கிளர்ச்சியாளர்கள் ஒப்புக்கொண்டதால் அவர்களைக் குறிவைத்து நடத்தப்படும் தாக்குதல்கள் உடனடியாக நிறுத்தப்படுவதாக அமெரிக்க அதிபர் டொனால்ட் டிரம்ப் அறிவித்துள்ளார்.

- 

வாஷிங்டன், மே 7:

கனடாவின் பிரதமராக மீண்டும் தேர்ந்தெடுக்கப்பட்டுள்ள மார்க் கார்னி, வாஷிங்டனில் அதிபர் டிரம்ப்பை நேரில் சந்தித்துப் பேச்சுவார்த்தை நடத்தினார்.

அப்போது வெள்ளை மாளிகையில் உள்ள அதிபரின் அதிகாரபூர்வ அலுவலகமான ஓவல் அலுவலகத்தில் மார்க் கார்னியுடன் டிரம்ப் செய்தியாளர்களைச் சந்தித்துப் பேசினார்.

அப்போது அவர் கூறியதாவது:

ஹூதி கிளர்ச்சிப் படையினர் இனி யும் தாக்குதல் நடவடிக்கைகளை மேற்கொள்ள விரும்பவில்லை. அதை அவர்கள் அமெரிக்க அதிகாரிகளிடம் தெரியப்படுத்தினர். அவர்களின் இந்த முடிவை நாங்கள் மதிக்கிறோம்.

அதை ஏற்று, யேமனில் ஹூதி படையினரின் இலக்குகளைக் குறிவைத்து நடத்தப்படும் குண்டுவீச்சு நடவடிக்கைகளை உடனடியாக நிறுத்த உத்தரவிட்டுள்ளேன் என்றார் அவர்.