பயங்கரவாதத்தை மத்திய அரசு ஒருபோதும் சகித்துக் கொள்ளாது

'பயங்கரவாதத்தை மத்திய அரசு ஒருபோதும் சகித்துக் கொள்ளாது' என்று குறிப்பிட்ட மத்திய உள்துறை அமைச்சர் அமித் ஷா, 'நக்ஸல் தீவிரவாதம் வரும் 2026-ஆம் ஆண்டு மார்ச் மாதத்துக்குள் முழுமையாக ஒழிக்கப்படும்' என்று உறுதியளித்தார்.

- 

புது தில்லி, மார்ச் 21:

மாநிலங்களவையில் வெள்ளிக்கிழமை நடைபெற்ற மத்திய உள்துறை அமைச்சக செயல்திறன் மீதான விவாதத்துக்குப் பதிலளித்து அமித் ஷா பேசியதாவது:

ஜம்மு-காஷ்மீருக்கு சிறப்பு அந்தஸ்து அளித்துவந்த அரசமைப்பு சட்டப் பிரிவு 370-ஐ ரத்து செய்ததன்மூலம், அரசமைப்புச் சட்டத்தை வகுத்தவர்களின் கனவை மத்திய அரசு நிறைவேற்றியுள்ளது.

காஷ்மீரில் பிரிவினைவாதத்துக்கு அடிப்படையாக இருந்ததே இந்த 370-ஆவது சட்டப்பிரிவு தான். இந்த சிறப்பு அந்தஸ்துக்கான சட்டப் பிரிவை தற்காலிகமான நடைமுறையாக வைத்ததற்காகவும், அதை ரத்து செய்வதற்கான நடைமுறையையும் சட்டப்பிரிவில் குறிப்பிட்டிருந்ததற்காகவும் அரசமைப்புச் சட்டத்தை வகுத்தவர்களுக்கு நன்றி தெரிவித்துக் கொள்கிறேன். அதன் மூலம் தான் கடந்த 2019-ஆம் ஆண்டு ஆகஸ்ட் 5-ஆம் தேதி இந்த சட்டப்பிரிவை ரத்து செய்ய முடிந்தது.

வாக்கு வங்கி அரசியல்: