ஏ பிரிவில் முதலிடம் யாருக்கு?: இந்தியா-பாகிஸ்தான் இன்று மோதல்

ஐசிசி டி 20 ஆடவர் உலகக் கோப்பை கிரிக்கெட் போட்டி 2026-இல் மிகவும் எதிர்பார்ப்பை உண்டாக்கியுள்ள இந்திய-பாகிஸ்தான் அணிகள் ஆட்டம் கொழும்பில் ஞாயிற்றுக்கிழமை நடைபெறவுள்ளது.

- 

டி20 உலகக் கோப்பை இந்தியா-இலங்கையில் நடைபெறுகிறது. இரு தரப்பு உறவுகள் பாதிக்கப்பட்டுள்ளதால் இந்தியாவில் ஆட முடியாது என பாகிஸ்தான் தெரிவித்தது. அந்த அணியின் ஆட்டங்கள் இலங்கையில் நடைபெறுகின்றன.

இந்நிலையில் வங்கதேசத்துக்கும்-இந்தியாவுக்கும் இடையே உறவு பாதிக்கப்பட்டதால், பாதுகாப்பு கருதி தனது ஆட்டங்களை இலங்கைக்கு மாற்ற வேண்டும் என வங்கதேசம் கோரியது. ஆனால் ஐசிசி அந்த கோரிக்கையை நிராகரித்தது. இதனால் போட்டியில் இருந்து விலகியது. அதற்கு பதிலாக ஸ்காட்லாந்து சேர்க்கப்பட்டது. இந்நிலையில் வங்கதேசத்துக்கு ஆதரவு தரும் வகையில் பிப். 15-இல் இந்தியாவுடன் நடைபெறும் ஆட்டத்தில் பங்கேற்க மாட்டோம் என பாகிஸ்தான் அறிவித்தது.