எலத்தூர் ஏரி தமிழகத்தின் 3-ஆவது பல்லுயிர் பாரம்பரியத் தலமாக அறிவிப்பு

ஈரோடு மாவட்டம் எலத்தூர் ஏரியை மாநிலத்தின் 3-ஆவது பல்லுயிர் பாரம்பரியத் தலமாக தமிழக அரசு அறிவித்துள்ளது.

- 

சென்னை, செப். 1: உயிரியல் பன்மைச் சட்டத்தின் கீழ், கடந்த 2022-ஆம் ஆண்டு மதுரை மாவட்டம் அரிட்டாபட்டியும், கடந்த மார்ச் மாதத்தில் திண்டுக்கல் மாவட்டம் காசம்பட்டியும் பல்லுயிர் பாரம்பரியத் தலமாக அறிவிக்கப்பட்டன. அதன் தொடர்ச்சியாக ஈரோடு மாவட்டத்திலுள்ள எலத்தூர் ஏரி மாநிலத்தின் 3-ஆவது பல்லுயிர் பாரம்பரியத் தலமாக அறிவிக்கப்பட்டுள்ளது.

இதற்கான அறிவிப்பை சென்னை தலைமைச் செயலகத்தில் வனம் மற்றும் கதர் துறை அமைச்சர் ஆர். எஸ். ராஜ கண்ணப்பன் திங்கள்கிழமை வெளியிட்டார்.