குற்றச் செயல்களில் ஈடுபடும் அரசு ஊழியர்கள் மீதான நடவடிக்கை: உயர்நீதிமன்றம் உத்தரவு

அரசு ஊழியர்கள் குற்றச் செயல்களில் ஈடுபட்டிருந்தால் அவர்களுக்கு எதிராக குற்ற நடவடிக்கை எடுக்கலாம் என சென்னை உயர்நீதிமன்றம் உத்தரவிட்டது.

- 

சென்னை, ஆக. 9:

அதேநேரம், அரசு ஊழியர்கள் மீது துறையரீதியான நடவடிக்கை எடுக்க மூன்றாவது நபர் கோர முடியாது எனவும் தெளிவுபடுத்தியது.

சென்னை உயர்நீதிமன்றத்தில் ஜெகன்நாதன் என்பவர் தாக்கல் செய்த மனுவில், திருப்பூர் மாவட்டம், வீரபாண்டி கிராமத்தில் வெங்கடாச்சலம் என்பவருக்குச் சொந்தமான நிலத்தை வாடகைக்கு எடுத்து பனியன் நிறுவனம் தொடங்கினேன். இந்த நிலத்தில் சுமார் ரூ.2 கோடியில் கட்டடங்கள், இயந்திரங்கள், சுத்திகரிப்பு நிலையங்கள் அமைக்கப்பட்டன. இந்த நிலத்துக்கான வாடகை ஒப்பந்தம் புதுப்பித்தலில் உடன்பாடு ஏற்படவில்லை. எனவே, கட்டுமானங்களுக்கு நான் செலவு செய்த ரூ.2 கோடியை திரும்பக் கேட்டேன்.