இந்தியா மீது 50% வரி உயர்வு

ரஷியாவிடம் கச்சா எண்ணெய் வாங்குவதை நிறுத்த இந்தியா முன்வராததால், ஏற்கெனவே அறிவித்த 25 சதவீத வரியை 50 சதவீதமாக உயர்த்துவதாக அமெரிக்க அதிபர் டொனால்ட் டிரம்ப் அறிவித்தார்.

- 

நியூயார்க், ஆக. 6: இது தொடர்பான உத்தரவிலும் டிரம்ப் உடனடியாக கையொப்பமிட்டார்.

முன்பு அறிவிக்கப்பட்ட 25 சதவீத வரி வியாழக்கிழமை (ஆக.7) அமலுக்கு வர இருக்கிறது. இதற்கு சரியாக 14 மணி நேரத்துக்கு முன்பு இரு மடங்கு அதிக வரி அறிவிப்பு வெளியானது. உயர்த்தப்பட்ட வரி அடுத்த 21 நாள்களில் அமலுக்கு வரும் (ஆக.27) என்றும் அறிவிக்கப்பட்டுள்ளது.

எனினும், அமெரிக்காவுக்கு அத்தியாவசியத் தேவையான இந்தியப் பொருள்கள் சிலவற்றுக்கு மட்டும் இந்த இரு மடங்கு வரியிலிருந்து விலக்கு அளிக்கப்பட்டுள்ளது.