உறுப்பு மாற்று அறுவைச் சிகிச்சை: உலகில் மூன்றாவது இடத்தில் இந்தியா

உறுப்பு மாற்று அறுவைச் சிகிச்சையில் உலக அளவில் இந்தியா மூன்றாவது இடத்தில் இருப்பதாக மத்திய சுகாதாரத் துறை அமைச்சர் ஜெ.பி.நட்டா சனிக்கிழமை தெரிவித்தார்.

- நமது நிருபர்

நமது நிருபர் புதுதில்லி, ஆக. 2:

தில்லியில் 15-ஆவது தேசிய உறுப்பு தான தினத்தையொட்டி அம்பேத்கர் அரங்கில் உறுப்பு தான அறுவை சிகிச்சையில் சிறந்து விளங்கும் மருத்துவக் குழுவுக்கு விருது வழங்கும் நிகழ்ச்சி சனிக்கிழமை நடைபெற்றது.

அதில் பங்கேற்று ஜெ.பி. நட்டா பேசியதாவது:

கடந்த 2023-ஆம் ஆண்டு ஆதார் எண்ணை அடிப்படையாகக் கொண்ட நோட்டோ வலைதளத்தை மத்திய அரசு அறிமுகம் செய்தது. அதன் பின்னர், உறுப்புகள் மற்றும் திசுக்களை இறந்த பிறகு தானம் அளிக்க 3.30 லட்சத்துக்கு அதிகமானோர் உறுதிமொழி அளித்துள்ளனர்.