மீனவர்களுக்கு பாதுகாப்பு கவச உடை: 2 வாரங்களுக்குள் வழங்க உத்தரவு

தமிழக மீனவர்களுக்கு பாதுகாப்பு கவச உடையை மீனவர் நலத் துறை செயலர் இரண்டு வாரங்களுக்குள் வழங்க சென்னை உயர்நீதிமன்ற மதுரை அமர்வு வெள்ளிக்கிழமை உத்தரவிட்டது.

- 

மதுரை, ஆக. 1:

கன்னியாகுமரி மாவட்டத்தைச் சேர்ந்த அருளப்பன் சென்னை உயர்நீதிமன்ற மதுரை அமர்வில் தாக்கல் செய்த மனு:

கன்னியாகுமரி மாவட்டம், தேங்காய்பட்டினம் மீன்பிடித் துறைமுகத்தில் உரிமம் பெற்று படகு வைத்து மீன்பிடித் தொழிலில் ஈடுபட்டு வருகிறேன்.

மீன்பிடிப் படகுகளில் கடலுக்குள் செல்லும் மீனவர்கள் கண்டிப்பாக பாதுகாப்பு கவச உடை (லைப் ஜாக்கெட்) அணிவது கட்டாயம் என தேங்காய்பட்டினம் துறைமுக மீன்வளத் துறை உதவி இயக்குநர் உத்தரவிட்டார்.