இந்திய ராணுவத்தின் புதிய படைப்பிரிவு 'ருத்ரா'

ராணுவ தலைமைத் தளபதி ஒப்புதல்

- 

திராஸ், ஜூலை 26: ஆளில்லா விமானங்கள், பீரங்கிகள் மற்றும் வீரர்கள் என அனைத்தும் ஒரே குடையின்கீழ் இயங்கும் விதமாக இந்திய ராணுவத்தில் 'ருத்ரா' என்ற புதிய படைப்பிரிவை ஏற்படுத்த ஒப்புதல் வழங்கியதாக ராணுவ தலைமைத் தளபதி உபேந்திர துவிவேதி சனிக்கிழமை தெரிவித்தார்.

'ஆபரேஷன் சிந்தூர்' நடவடிக்கையைத் தொடர்ந்து இந்திய ராணுவத்தை மேலும் வலுப்படுத்தும் விதமாக இந்தப் புதிய படைப்பிரிவை ஏற்படுத்த அவர் ஒப்புதல் வழங்கியுள்ளார்.

26-ஆவது கார்கில் போர் வெற்றி தினம் நாடு முழுவதும் சனிக்கிழமை கொண்டாடப்பட்டது.

இதன் ஒரு பகுதியாக லடாக் யூனியன் பிரதேசத்தின் திராஸ் பகுதியில் அமைந்துள்ள கார்கில் போர் நினைவிடத்தில் வீரமரணமடைந்த ராணுவ வீரர்களுக்கு மலர் வளை யம் வைத்து அஞ்சலி செலுத்தப்பட்டது.

இந்நிகழ்ச்சியில் மத்திய தொழிலாளர் மற்றும் வேலைவாய்ப்புத் துறை அமைச்சர் மன்சுக் மாண்டவியா, பாதுகாப்புத் துறை இணை அமைச்சர் சஞ்சீவ் சேத், லடாக் துணைநிலை ஆளுநர் கவீந்தர் குப்தா, இந்திய ராணுவ தலைமைத் தளபதி உபேந்திர துவிவேதி உள்ளிட்டோர் பங்கேற்று வீரமரண மடைந்த வீரர்களுக்கு மரியாதை செலுத்தினர்.

பதிலடியே இனி புதிய வழக்கம்: