நிபா வைரஸ் பரவலைத் தடுக்க எல்லையோர மாவட்டங்களில் நடவடிக்கை

நிபா வைரஸ் தாக்கம் தமிழகத்துக்குள் பரவாமல் தடுக்கும் வகையில் எல்லை யோர மாவட்டங்களில் கண்காணிப்பைத் தீவிரப்படுத்த நடவடிக்கை எடுக்கப்பட்டு வருவதாக பொது சுகாதாரத் துறை அதிகாரிகள் தெரிவித்தனர்.

- 

சென்னை, ஜூலை 8:

அதன்படி, கேரளத்தில் இருந்து காய்ச்சல் அறிகுறிகளுடன் எவரேனும் தமிழகத்துக்கு வந்தால், அவர்களை மாநில சுகாதாரக்குழுவினர் எல்லையிலேயே நிறுத்தி மருத்துவப் பரிசோதனைக்குள்படுத்த அறிவுறுத்தப்பட்டுள்ளது.

கேரளத்தின் மலப்புரம் மற்றும் பாலக்காடு பகுதிகளில் நிபா வைரஸ் பரவி வரும் நிலையில், அந்தத் தொற்றுக்குள்ளாகி ஒருவர் உயிரிழந்துள்ளார். இளைஞர் ஒருவர் கவலைக்கிடமாக இருப்பதாக செய்திகள் வெளியாகியுள்ளன.