ஹிந்தி திணிப்புக்கு மட்டுமே எதிரானவர்கள்; மொழிக்கு அல்ல!

நாங்கள் ஹிந்தி திணிப்புக்கு மட்டுமே எதிரானவர்களே தவிர, ஹிந்தி மொழி மற்றும் ஹிந்தி பேசுபவர்களுக்கு எதிரானவர்கள் அல்ல என்று தமிழக முதல்வர் ஸ்டாலினுக்கு சிவசேனை (உத்தவ்) கட்சி பதிலளித்துள்ளது.

- 

மும்பை, ஜூலை 6: நாங்கள் ஹிந்தி திணிப்புக்கு மட்டுமே எதிரானவர்களே தவிர, ஹிந்தி மொழி மற்றும் ஹிந்தி பேசுபவர்களுக்கு எதிரானவர்கள் அல்ல என்று தமிழக முதல்வர் ஸ்டாலினுக்கு சிவசேனை (உத்தவ்) கட்சி பதிலளித்துள்ளது.

மகாராஷ்டிரத்தில் தொடக்கக் கல்வி பாடத்திட்டத்தில் 3-ஆவது மொழியாக ஹிந்தியைக் கற்பிக்கும் அரசாணையை மாநில பாஜக கூட்டணி அரசு வெளியிட்டு, எதிர்ப்பைத் தொடர்ந்து திரும்பப் பெற்றது.

இதைக் கொண்டாடும் விதமாக வெற்றிக் கூட்டம் மும்பையில் சனிக்கிழமை நடைபெற்றது.

இந்த நிகழ்ச்சியில் சிவசேனை (உத்தவ்) கட்சித் தலைவர் உத்தவ் தாக்கரே மற்றும் அவரின் சகோதரரான மகாராஷ்டிர நவநிர்மாண் சேனையின் தலைவர் ராஜ் தாக்கரே ஆகிய இருவரும் சுமார் 20 ஆண்டுகளுக்குப் பிறகு ஒரே மேடையில் பங்கேற்றனர்.

ஹிந்தி திணிப்புக்கு எதிராக தாக்கரே சகோதரர்கள் பூசல்களை மறந்து, ஒன்றிணைந்திருப்பது மகாராஷ்டிர அரசியல் களத்தில் முக்கியத்துவம் பெற்றுள்ளது.