காலிறுதிக்கு முந்தைய சுற்றில் சபலென்கா, ஆண்ட்ரீவா

கிராண்ட்ஸ்லாம் டென்னிஸ் போட்டியான விம்பிள்டனில், முன்னணி வீராங்கனைகளான பெலாரஸின் அரினா சபலென்கா, ரஷியாவின் மிரா ஆண்ட்ரீவா ஆகியோர் காலிறுதிக்கு முந்தைய சுற்றுக்கு சனிக்கிழமை முன்னேறினர்.

- 

லண்டன், ஜூலை 5: கிராண்ட்ஸ்லாம் டென்னிஸ் போட்டியான விம்பிள்டனில், முன்னணி வீராங்கனைகளான பெலாரஸின் அரினா சபலென்கா, ரஷியாவின் மிரா ஆண்ட்ரீவா ஆகியோர் காலிறுதிக்கு முந்தைய சுற்றுக்கு சனிக்கிழமை முன்னேறினர்.

மகளிர் ஒற்றையர் 3-ஆவது சுற்றில், உலகின் நம்பர் 1 வீராங்கனையான சபலென்கா 7-6 (8/6), 6-4 என்ற செட்களில், உள்நாட்டு போட்டியாளர் எம்மா ரடுகானுவை சாய்த்தார். 7-ஆம் இடத்திலிருக்கும் ஆண்ட்ரீவா 6-1, 6-3 என்ற கணக்கில் அமெரிக்காவின் ஹேலி பாப்டிஸ்டேவை எளிதாகச் சாய்த்தார்.