ஜெகன்மூர்த்தி மேல்முறையீட்டு மனு மீது உச்சநீதிமன்றம் இன்று விசாரணை

திருவள்ளூரைச் சேர்ந்த சிறுவன் கடத்தல் சம்பவத்தில் முன்ஜாமீன் கோரி எம்.ஜெகன்மூர்த்தி எம்.எல்.ஏ சார்பில் தாக்கல் செய்யப்பட்டுள்ள மேல்முறையீட்டு மனு உச்சநீதிமன்றத்தில் திங்கள்கிழமை விசாரணைக்கு பட்டியலிடப்பட்டது.

- நமது நிருபர்

நமது நிருபர் புது தில்லி, ஜூன் 29:

உச்சநீதிமன்ற நீதிபதிகள் மனோஜ் மிஸ்ரா, என்.கோடிஸ்வர் சிங் அடங்கிய அமர்வு இந்த மனுவை விசாரிக்கவுள்ளது.

இது தொடர்பாக எம்.ஜெகன்மூர்த்தி சார்பில் உச்சநீதிமன்றத்தில் வழக்குரைஞர் ராம் சங்கர் தாக்கல் செய்துள்ள மேல்முறையீட்டு மனுவில் தெரிவிக்கப்பட்டிருப்பதாவது: இந்த விவகாரத்தில் உயர்நீதிமன்றம் ஜூன் 16-ஆம் தேதி பிறப்பித்த உத்தரவின்படி, விசாரணை அதிகாரிகளின் முன்பு ஜெகன்மூர்த்தி ஜூன் 17-ஆம் தேதி ஆஜராகி முழு ஒத்துழைப்பு அளித்துள்ளார்.

குற்றஞ்சாட்டப்பட்ட நபர் அளித்த வாக்குமூலத்தின் அடிப்படையில், ஜெகன்மூர்த்திக்கு எதிராக எவ்வித நேரடி ஆதாரமும் இல்லாமல், அவர் மீது பொய்யாக வழக்கு புனையப்பட்டுள்ளது. இது மனுதாரரின் புகழுக்குக் களங்கம் கற்பிக்கும் வகையிலும் அரசியல் உள்நோக்கத்துடனும் பதிவு செய்யப்பட்டுள்ள வழக்காகும்.