ஜூலையில் 31 டிஎம்சி காவிரி நீர்: தமிழகம் வலியுறுத்தல்

உச்சநீதிமன்ற உத்தரவுப்படி காவிரியில் ஜூலை மாதத்திற்குரிய 31.24 டிஎம்சி நீரை கர்நாடகம் திறந்து விடுவதை உறுதிப்படுத்த வேண்டும் என்று தில்லியில் வெள்ளிக்கிழமை நடைபெற்ற காவிரி நதி நீர் மேலாண்மை ஆணையத்தின் 41-ஆவது கூட்டத்தில் தமிழகம் வலியுறுத்தியது.

- நமது நிருபர்

நமது நிருபர் புது தில்லி, ஜூன் 27:

கடந்த மே 22-ஆம் தேதி நடைபெற்ற 40-ஆவது கூட்டத்தின் போது, உச்சநீதிமன்றத்தின் உத்தரவுப்படி தமிழகத்துக்கான ஜூன், ஜூலை மாதத்திற்கான நீர் அளவை கர்நாடகம் உறுதிப்படுத்த வேண்டும் என்று தமிழகத்தின் தரப்பில் வலியுறுத்தப்பட்டிருந்தது.

இந்த நிலையில், வியாழக்கிழமை நடைபெற்ற காவிரி நீர் ஒழுங்காற்றுக் குழுவின் 117-ஆவது கூட்டத்தில், கர்நாடகத்தில் பெய்துவரும் பருவமழையின் காரணமாக ஜூன் மாதத்தில் தமிழகத்திற்கு வழங்கப்பட வேண்டிய நீர் அளவைவிட கூடுதலாக வரப்பெற்றது குறித்து தகவல் தெரிவிக்கப்பட்டிருந்தது.