கூட்டுறவுத் துறையின் பரவலான வளர்ச்சிக்கு நடவடிக்கை

நாடு முழுவதும் கூட்டுறவுத் துறையின் பரவலான வளர்ச்சிக்கு மத்திய அரசு நடவடிக்கைகள் மேற்கொண்டு வருகிறது என்று மத்திய கூட்டுறவுத் துறை அமைச்சர் அமித் ஷா தெரிவித்தார்.

- 

மும்பை, ஜூன் 20:

மகாராஷ்டிரத் தலைநகர் மும்பையில் இந்திய தேசிய வேளாண் கூட்டுறவு சந்தைப்படுத்துதல் கூட்டமைப்பு நிறுவனம் சார்பில் வெள்ளிக்கிழமை நடைபெற்ற துறைசார் மாநாட்டில் அமித் ஷா பங்கேற்றார். அப்போது, அவர் பேசியதாவது:

வரையறுக்கப்பட்ட மூலதனத்துடன் கூடுதல் லாபத்தை வழங்குவதால், நாட்டின் பொருளாதாரம்-வளர்ச்சியை ஊக்குவிப்பதிலும், வேலைவாய்ப்புகளை உருவாக்குவதிலும் கூட்டுறவுத் துறை பங்காற்றுகிறது.