ஜி20 தூதர் பதவியை ராஜிநாமா செய்தார் அமிதாப் காந்த்

ஜி20 தூதர் பதவியை நீதி ஆயோக் முன்னாள் தலைமைச் செயல் அதிகாரியான (சிஇஓ) அமிதாப் காந்த் ராஜிநாமா செய்தார்.

- 

புது தில்லி, ஜூன் 16:

இந்தியா, அமெரிக்கா, பிரிட்டன், ஆஸ்திரேலியா உள்ளிட்ட 19 நாடுகள், ஐரோப்பிய ஒன்றியம், ஆப்பிரிக்க ஒன்றியம் ஆகியவற்றை உள்ளடக்கிய ஜி20 கூட்டமைப்புக்கு கடந்த 2023-இல் இந்தியா தலைமை தாங்கியது. இதற்கு முன்பாக ஜி20 கூட்டமைப்பின் தூதராக ஓய்வு பெற்ற ஐஏஎஸ் அதிகாரியான அமிதாப் காந்த் 2022, ஜூலையில் நியமிக்கப்பட்டார்.

1980, கேரள பிரிவு ஐஏஎஸ் அதிகாரியான இவர் தொழிற்சாலை மற்றும் உள்நாட்டு வர்த்தகத் துறைச் செயலர், நீதி ஆயோக் சிஇஓ உள்ளிட்ட பல்வேறு அரசு துறைகளில் உயர் பதவியை வகித்துள்ளார்.