பருவநிலை நடவடிக்கை, எண்ம தொழில்நுட்பத்தின் உலகளாவிய குரலாக உருவெடுத்துள்ளது இந்தியா

இந்தியா கடந்த 11 ஆண்டுகளில் உலகின் வேகமாக வளரும் பொருளாதார நாடாக உருவடுத்துள்ளதோடு, பருவநிலை நடவடிக்கை, எண்ம தொழில்நுட்பத்தின் உலகளாவிய குரலாகவும் உருவெடுத்துள்ளது என்று பிரதமர் நரேந்திர மோடி பெருமிதம் தெரிவித்தார்.

- 

புது தில்லி, ஜூன் 9: 'இந்தியா கடந்த 11 ஆண்டுகளில் உலகின் வேகமாக வளரும் பொருளாதார நாடாக உருவடுத்துள்ளதோடு, பருவநிலை நடவடிக்கை, எண்ம தொழில்நுட்பத்தின் உலகளாவிய குரலாகவும் உருவெடுத்துள்ளது' என்று பிரதமர் நரேந்திர மோடி பெருமிதம் தெரிவித்தார்.

'நல்லாட்சி, சிறந்த மாற்றத்தின் மீது மட்டுமே மத்திய அரசு கவனம் செலுத்தி வருகிறது' என்றும் அவர் தெரிவித்தார்.

பாஜக தலைமையிலான அரசு மத்தியில் மூன்றாவது முறையாக ஆட்சி அமைத்து திங்கள்கிழமையுடன் ஓராண்டு நிறைவு செய்துள்ளதையொட்டி, தனது எக்ஸ் பக்கத்தில் வெளியிட்ட பதிவில் பிரதமர் மோடி கூறியிருப்பதாவது:

140 கோடி மக்களின் ஒட்டுமொத்த பங்கேற்பு மற்றும் ஆசியுடன் ஆட்சி அமைத்துள்ள மத்திய அரசு கடந்த 11 ஆண்டுகளில் மேற்கொண்ட பல்வேறு நடவடிக்கைகள், திட்டங்கள் காரணமாக பல்வேறு துறைகளில் சிறந்த வேகமான மாற்றத்தை இந்தியா கண்டுள்ளது.