இறுதிக்கு தகுதி பெறும் முனைப்பில் மும்பையுடன் மோதும் பஞ்சாப்

ஐபிஎல் 2025 தொடரின் குவாலிஃபயர் 2 ஆட்டத்தில் 5 முறை சாம்பியன் மும்பை இண்டியன்ஸ் அணியுடன் மோதுகிறது முதல் முறை பட்டம் வெல்லும் முனைப்பில் உள்ள பஞ்சாப் கிங்ஸ் அணி.

- 

அகமதாபாத், மே 31:

கடந்த ஒன்றரை மாதங்களாக கிரிக்கெட் ரசிகர்களுக்கு விருந்தாக அமைந்த ஐபிஎல் தொடர் தற்போது பிளே ஆஃப் கட்டத்தை எட்டியுள்ளது. குவாலிஃபயர் 1, எலிமினேட்டர் ஆட்டங்கள் முடிந்து விட்டன.

குவாலிஃபயர் 1 ஆட்டத்தில் பெங்களூர் அணியிடம் 8 விக்கெட் வித்தியாசத்தில் மோசமாக தோற்றுது பஞ்சாப் கிங்ஸ் அணி. எலிமினேட்டர் ஆட்டத்தில் பலமான குஜராத் டைட்டன்ஸ் அணியை வீழ்த்தியது மும்பை இண்டியன்ஸ்.

இதையடுத்து இறுதிக்கு தகுதி பெறும் ஆட்டமான குவாலிஃபயர் 2-இல் மும்பை-பஞ்சாப் அணிகள் மோதுகின்றன. அகமதாபாத்தில் ஞாயிற்றுக்கிழமை இரவு இந்த ஆட்டம் நடைபெறுகிறது.