போர் நிறுத்த அறிவிப்பால் பங்குச்சந்தையில் எழுச்சி சென்செக்ஸ் 2,975 புள்ளிகள் உயர்வு

போர் நிறுத்த அறிவிப்பை தொடர்ந்து இந்த வாரத்தின் முதல் வர்த்தக தினமான திங்கள்கிழமை பங்குச் சந்தை எழுச்சி பெற்றது.

- நமது நிருபர்

நமது நிருபர் மும்பை / புது தில்லி, மே 12: இதைத் தொடர்ந்து, மும்பை பங்குச்சந்தை குறியீட்டு எண்ணான சென்செக்ஸ், தேசிய பங்குச் சந்தை குறியீட்டு எண்ணான நிஃப்டி ஆகிய இரண்டும் நல்ல லாபத்துடன் முடிவடைந்தன.

பாகிஸ்தான் பயங்கரவாதத் தாக்குதலைத் தொடர்ந்து ஏற்பட்ட இந்தியா - பாகிஸ்தான் மோதலின் தாக்கத்தால் உள்நாட்டுச் சந்தை சரிவைச் சந்தித்து வந்தது. ஆனால், இரு நாடுகளும் போர் நிறுத்த அறிவிப்பை வெளியிட்டதைத் தொடர்ந்து உள்நாட்டுச் சந்தையில் எழுச்சி காணப்பட்டது.

குறிப்பாக, ஆட்டோ, வங்கி, நிதி நிறுவனங்கள், ஐடி, எஃப்எம்சிஜி, ரியால்ட்டி, ஆயில் அண்ட் காஸ் உள்பட அனைத்துத் துறை பங்குகளுக்கும் நல்ல வரவேற்பு இருந்தது என்று பங்கு வர்த்தகத் தரகு நிறுவனங்கள் தெரிவித்தன.