அரியலூர் மாவட்டத்தில் 10 நீர்நிலைகளில் பறவைகள் கணக்கெடுப்பு

அரியலூர் மாவட்டத்திலுள்ள கரைவெட்டி பறவைகள் சரணாலயம், இலந்தைகூடம் பெரிய ஏரி, வெங்கனூர் பெரிய ஏரி, தூத்தூர் சுக்கிரன் ஏரி உள்பட 10 நீர்நிலைகளில் வனத்துறை சார்பில் நீர்வாழ் பறவைகள் கணக்கெடுப்பு கடந்த இரு நாள்களாக நடைபெற்றது.

- 

அரியலூர், மார்ச் 9:

மாவட்ட வன அலுவலர் இளங்கோவன், பறவையியல் வல்லுநர்களான பேராசிரியர்கள் ஜெரோமியா, நேசராஜன் மற்றும் திருச்சி பிஷப் கல்லூரி மாணவர்கள், தன்னார்வலர்கள் என 100-க்கும் மேற்பட்டோர் சனி மற்றும் ஞாயிற்றுக்கிழமை அதிகாலை என கடந்த இரு நாள்களாக பறவைகள் கணக்கெடுப்பு பணியில் ஈடுபட்டனர். தலா 7 பேர் கொண்ட 10 குழுவினர் 10 நீர்நிலைகளில் கணக்கெடுப்பு பணியை மேற்கொண்டனர்.