கூட்டுறவு வங்கிகளில் சிபில் ஸ்கோர் அடிப்படையில் கடன் வழங்குவதை ரத்து செய்ய விவசாயிகள் வலியுறுத்தல்

கூட்டுறவு வங்கிகளில் சிபில் ஸ்கோர் அடிப்படையில் கடன் வழங்கப்படும் என்ற அறிவிப்பை அரசு ரத்து செய்ய வேண்டும் என விவசாயிகள் குறைதீர் கூட்டத்தில் வலியுறுத்தப்பட்டது.

- 

நாகப்பட்டினம், ஜூலை 4:

நாகை மாவட்ட ஆட்சியர் அலுவலகத்தில், ஆட்சியர் ப. ஆகாஷ் தலைமையில் வெள்ளிக்கிழமை நடைபெற்ற விவசாயிகள் குறைதீர் கூட்டத்தில், விவசாயிகள் பேசியது:

கீழையூர் ஜி. சுப்ரமணியன்: மீனம்பல்லூர் கோட்டூரான் தென்பாதி வாய்க்கால் கீழ்க்குமிலி பழுதடைந்து 10 ஆண்டுகள் ஆகியும் பழுதுநீக்கப்படவில்லை.

தமிழக விவசாயிகள் பாதுகாப்பு சங்க நிர்வாகி தமிழ்ச்செல்வன்: அனைத்து விவசாயிகளுக்கு குறுவை தொகுப்பு கிடைக்க நடவடிக்கை எடுக்க வேண்டும்.