வங்கதேசத்தவர்களுக்கு சட்டவிரோதமாக ஆதார்: மேற்கு வங்கத்தில் பாகிஸ்தானியர் மீது குற்றப்பத்திரிகை

மேற்கு வங்க மாநிலம் கொல்கத்தாவில் சட்டவிரோதமாக குடியேறிய வங்கதேசத்தவர்களுக்கு ஆதார் உள்ளிட்ட இந்திய அடையாள அட்டைகளை வழங்கிய வழக்கில் அங்கு வசிக்கும் பாகிஸ்தானியர் ஒருவர் மீது அமலாக்கத் துறை குற்றப்பத்திரிகை தாக்கல் செய்தது.

- 

புது தில்லி, ஜூன் 16:

இவர் இந்தியாவுக்குள் சட்டவிரோதமாக நுழைந்து இந்திய ஆதார் அட்டை, வாக்காளர் அடையாள அட்டை உள்ளிட்ட 5 இந்திய அடையாள அட்டைகளை தான் பெற்று இந்தியராக வாழ்ந்து வந்துள்ளார். மேலும் அங்கு சட்டவிரோதமாக குடியேறிய வங்கதேசத்தவருக்கும் இதுபோன்ற இந்திய அடையாள அட்டைகளை அவர் வழங்கியுள்ளதாக கூறி, பணமுறைகேடு தடுப்புச் சட்டத்தின் கீழ் குற்றப்பத்திரிகை தாக்கல் செய்ததாக அமலாக்கத் துறை திங்கள்கிழமை வெளியிட்ட செய்திக் குறிப்பில் தெரிவிக்கப்பட்டது.