மின் துண்டிப்பு, சைரன் ஒலி, குண்டுவெடிப்பு சப்தம்...

வீடுகளுக்குள் முடங்கிய எல்லையோர மக்கள்

- 

சண்டீகர், மே 9: இந்திய-பாகிஸ்தான் ராணுவ மோதலால் பஞ்சாப், ராஜஸ்தான் உள்ளிட்ட எல்லையோர மாநிலங்களில் மக்கள் மத்தியில் பீதி நிலவுகிறது.

வான்வழி தாக்குதல் முன்னெச்சரிக்கையாக இரவு நேரத்தில் முழு அளவில் மின்சாரம் துண்டிப்பு, அவ்வப்போது கேட்கும் அபாய எச்சரிக்கை ஒலி, ஆங்காங்கே பலத்த வெடிப்புச் சப்தம் போன்றவை மக்களை அச்சத்தில் ஆழ்த்தியுள்ளன. அவசியமன்றி வெளியே வர வேண்டாம் என்ற அறிவுறுத்தலால், மக்கள் வீடுகளுக்குள் முடங்கியுள்ளனர்.

பஹல்காம் பயங்கரவாதத் தாக்குதலுக்கு பழிதீர்க்க, பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் பயங்கரவாத உள்கட்டமைப்புகளைக் குறிவைத்து, இந்தியராணுவம் கடந்த செவ்வாய்க்கிழமை நள்ளிரவில் 'ஆபரேஷன் சிந்தூர்' என்ற பெயரில் ஏவுகணை-ட்ரோன் தாக்குதலை நடத்தியது.