நலத் திட்டங்களில் முதல்வரின் பெயரை பயன்படுத்தும் விவகாரம்; தமிழக அரசின் மனுவை விசாரிக்க உச்சநீதிமன்றம் ஒப்புதல்

இன்னாள், முன்னாள் முதல்வர்களின் பெயர்கள், புகைப்படங்களை அரசு நலத் திட்டங்களில் பயன்படுத்தக் கூடாது என்ற சென்னை உயர்நீதிமன்ற உத்தரவை எதிர்த்து தமிழக அரசு தாக்கல் செய்த மேல்முறையீட்டு மனுவை வரும் புதன்கிழமை (ஆகஸ்ட் 6) விசாரிக்க உச்சநீதிமன்றம் திங்கள்கிழமை ஒப்புதல் தெரிவித்தது.

- நமது நிருபர்

புது தில்லி, ஆக.4:

இந்த விவகாரம் தொடர்பாக உச்ச நீதிமன்றத் தலைமை நீதிபதி பி.ஆர். கவாய் மற்றும் நீதிபதி கே. வினோத் சந்திரன் ஆகியோர் அடங்கிய அமர்வு முன் மாநில அரசு தரப்பில் மூத்த வழக்குரைஞர் முகுல் ரோத்தகி ஆஜராகி, 'நலத் திட்டங்களில் முதல்வர், முன்னாள் முதல்வர்களின் பெயர்கள் மற்றும் புகைப்படங்களைப் பயன்படுத்துவதற்கு சென்னை உயர்நீதிமன்றம் இடைக்காலத் தடை விதித்துள்ளது' என்றார்.