'சார்க்' கூட்டமைப்புக்கு மாற்று? சீனா-பாகிஸ்தான் புதிய திட்டம்

'சார்க் கூட்டமைப்புக்கு மாற்றாக பிராந்திய அளவிலான புதிய கூட்டமைப்பை நிறுவ சீனா-பாகிஸ்தான் திட்டமிட்டு வருவதாக ஊடகங்களில் தகவல்கள் வெளியாகியுள்ளன.

- 

இஸ்லாமாபாத், ஜூன் 30:

அண்மையில் சீனாவின் குன்மிங் நகரில் சீனா-வங்கதேசம்-பாகிஸ்தான் நாடுகள் மேற்கொண்ட முத்தரப்பு ஆலோசனையில் இந்த முடிவு இறுதிக்கட்டத்தை எட்டியதாகவும், இந்தியா உள்பட சார்க் கூட்டமைப்பில் உள்ள பிற நாடுகளை இந்த புதிய கூட்டமைப்பில் சேர்க்க அழைப்பு விடுக்கவுள்ளதாகவும் அதில் தெரிவிக்கப்பட்டுள்ளது.

தெற்காசிய நாட்டு மக்களின் வாழ்வாதாரம், பொருளாதாரம், கலாசாரத்தை மேம்படுத்தும் நோக்கில் கடந்த 1985, டிச. 8-ஆம் தேதி வங்கதேசத்தில் சார்க் கூட்டமைப்பு உருவாக்கப்பட்டது. இதன் தலைமையகம் நேபாள நாட்டின் காத்மாண்டில் உள்ளது.