சூளுரையை நிறைவேற்றினார் பிரதமர் மோடி; பாஜக

பஹல்காம் பயங்கரவாதத் தாக்குதலின் பின்னணியில் உள்ள பயங்கரவாதிகளுக்கு அவர்கள் கற்பனையிலும் நினைக்காத தண்டனை வழங்கப்படும் என்ற தனது சூளுரையை பிரதமர் மோடி நிறைவேற்றியிருப்பதாக பாஜக தெரிவித்துள்ளது.

- 

புது தில்லி, மே 12:

தில்லியில் உள்ள பாஜக தலைமையகத்தில் கட்சியின் தேசிய செய்தித் தொடர்பாளர் சம்பித் பத்ரா செய்தியாளர்களுக்கு திங்கள்கிழமை அளித்த பேட்டியில் கூறியதாவது:

26 பேர் கொல்லப்பட்ட பஹல்காம் பயங்கரவாத தாக்குதலின் பின்னணியில் உள்ள பயங்கரவாதிகளும் அவர்களின் ஆதரவாளர்களும் எங்கிருந்தாலும் வேட்டையாடப்படுவர்; அவர்களின் புகலிடங்களை தரைமட்டமாக்கி, அவர்கள் கற்பனையிலும் நினைக்காத தண்டனையை வழங்குவோம் என்று பிரதமர் மோடி சூளுரைத்திருந்தார்.

பிரதமரின் தீர்க்கமும், நமது படைகளின் அசாத்திய துணிச்சலும் பயங்கரவாத தளங்களை தகர்த்துள்ளன.