சோனியா காந்தி பிறந்தநாள்: பிரதமர், கார்கே வாழ்த்து

காங்கிரஸ் நாடாளுமன்றக் குழுத் தலைவர் சோனியா காந்தியின் 79-ஆவது பிறந்தநாளை முன்னிட்டு பிரதமர் நரேந்திர மோடி, காங்கிரஸ் தேசியத் தலைவர் மல்லிகார்ஜூன கார்கே உள்ளிட்டோர் அவருக்கு வாழ்த்து தெரிவித்தனர்.

- 

காங்கிரஸில் மிக நீண்ட காலம் தலைவராகப் பதவி வகித்த சோனியா காந்தி, உடல்நலக் குறைவு காரணமாக கடந்த சில ஆண்டுகளாக தீவிர அரசியலில் இருந்து சற்றே விலகியுள்ளார். இருப்பினும், அவர் காங்கிரஸ் நாடாளுமன்றக் குழுவின் தலைவராகவும், மாநிலங்களவை உறுப்பினராகவும் தொடர்ந்து பணியாற்றி வருவது குறிப்பிடத்தக்கது.