இந்திய-சீன உறவு உலக அமைதிக்கு வழிவகுக்கும்

இந்தியா-சீனா இடையேயான நிலையான உறவு பிராந்திய, உலக அமைதிக்கு வழிவகுக்கும் என பிரதமர் நரேந்திர மோடி செவ்வாய்க்கிழமை தெரிவித்தார்.

- 

புது தில்லி, ஆக. 19:

இரு நாள் சுற்றுப்பயணமாக இந்தியா வந்துள்ள சீன வெளியுறவு அமைச்சர் வாங் யி உடனான சந்திப்புக்குப் பிறகு அவர் இவ்வாறு தெரிவித்தார். தில்லியில் உள்ள பிரதமர் இல்லத்தில் இந்தச் சந்திப்பு நடைபெற்றது.

இதுகுறித்து பிரதமர் மோடி வெளியிட்ட எக்ஸ் வலைதளப் பதிவில்; சீன வெளியுறவு அமைச்சர் வாங் யியை சந்தித்ததில் மகிழ்ச்சி. கடந்த ஆண்டு ரஷியாவின் கஸான் நகரில் பிரிக்ஸ் மாநாட்டின் போது சீன அதிபர் ஷி ஜின்பிங்கை நான் சந்தித்து ஆலோசித்த பிறகு இந்தியா-சீனா இருதரப்பு உறவுகள் பரஸ்பர மரியாதையுடன் தொடர்ந்து மேம்பட்டு வருகிறது.