மீண்டும் திமுக வசமானது சங்கரன்கோவில் நகர்மன்றத் தலைவர் பதவி

சங்கரன்கோவில் நகர்மன்றத் தலைவர் பதவியை திமுக மீண்டும் கைப்பற்றியது; இதன்மூலம் 12 ஆவது நகர்மன்றத் தலைவராக திமுகவைச் சேர்ந்த கௌசல்யா பதவியேற்கிறார்.

- 

சங்கரன்கோவில், ஆக. 18:

சங்கரன்கோவில் நகராட்சியில் மன்ற உறுப்பினர்கள் மொத்தம் 30 பேர் உள்ளனர். இதில், நகர்மன்றத் தலைவராக இருந்த திமுகவைச் சேர்ந்த உமா மகேஸ்வரி மீது அதிமுக, திமுக, மதிமுக, காங்கிரஸ், சுயேச்சை உறுப்பினர்கள் நம்பிக்கையில்லா தீர்மானம் கொண்டுவந்தனர்.

ஜூலை 2 ஆம் தேதி நடைபெற்ற நம்பிக்கையில்லாத் தீர்மானம் மீதான குரல் வாக்கெடுப்பில் தீர்மானத்துக்கு ஆதரவாக 28 பேர் வாக்களித்தனர். எனினும், குரல் வாக்கெடுப்பு செல்லாது எனக் கூறி உமா மகேஸ்வரி உயர்நீதிமன்ற மதுரை அமர்வில் மனு தாக்கல் செய்தார்.

மனுவை விசாரித்த நீதிமன்றம், வாக்குச் சீட்டு முறையில் வாக்கெடுப்பு நடத்துமாறு உத்தரவிட்டது.