வாகை சூடுகிறார் வின்சென்ட் கீமர்

8-ஆவது சுற்று ஆட்டங்கள் 'டிரா'

- 

சென்னை, ஆக. 14: சென்னை கிராண்ட் மாஸ்டர்ஸ் செஸ் போட்டியின் மாஸ்டர்ஸ் பிரிவில், வியாழக்கிழமை நடைபெற்ற 8-ஆவது சுற்றின் அனைத்து ஆட்டங்களுமே டிராவில் முடிந்தன. போட்டியில் இன்னும் ஒரே சுற்று எஞ்சியிருக்கும் நிலையிலேயே ஜெர்மனியின் வின்சென்ட் கீமர் சாம்பியன் பட்டத்தை உறுதி செய்துள்ளார்.

முன்னதாக, போட்டியின் 8-ஆவது சுற்றில், கீமர் - நெதர்லாந்தின் ஜோர்டென் வான் ஃபாரீஸ்டுடனும், இந்தியாவின் அர்ஜுன் எரிகைசி - விதித் குஜராத்தியுடனும், கார்த்திகேயன் முரளி - நிஹல் சரினுடனும் டிரா செய்தனர்.