பிளஸ் 1 பொதுத் தேர்வு முறை ரத்து

மாநில கல்விக் கொள்கையில் அறிவிப்பு

- 

சென்னை, ஆக. 8: தமிழகத்தில் பிளஸ் 1 வகுப்புக்கான பொதுத் தேர்வு முறை ரத்து செய்யப்படும் என மாநில கல்விக் கொள்கையில் அறிவிக்கப்பட்டுள்ளது.

மத்திய அரசின் தேசிய கல்விக் கொள்கை-2020-ஐ தமிழகத்தில் அமல்படுத்த மறுத்துவரும் மாநில அரசு, அதற்கு மாற்றாக தமிழகத்துக்கென பிரத்யேகமாக மாநிலக் கல்விக் கொள்கை உருவாக்கப்படும் என அறிவிப்பு வெளியிட்டது.

இந்தக் கல்விக் கொள்கையை வடிவமைக்க ஓய்வு பெற்ற நீதிபதி த.முருகேசன் தலைமையில் 14 பேர் கொண்ட குழு 2022-ஆம் ஆண்டு அமைக்கப்பட்டது.

இந்தக் குழுவினர் பல்கலைக்கழக துணைவேந்தர்கள், கல்வியாளர்கள், ஆசிரியர்கள், தனியார் பள்ளி நிர்வாகிகள், பெற்றோர்கள் உள்பட பல்வேறு தரப்பினரிடம் கருத்துகள் கேட்டறிந்து கல்விக் கொள்கையை வடிவமைத்தனர்.

இந்நிலையில், பள்ளிக் கல்விக்கான தமிழ்நாடு மாநில கல்விக் கொள்கை-2025 வெளியீடு, அரசுப் பள்ளிகளில் படித்து முதன்மை உயர் கல்வி நிறுவனங்களுக்குச் செல்லும் மாணவர்களுக்கு பாராட்டு விழா ஆகியவை சென்னை அண்ணா நூற்றாண்டு நூலக அரங்கில் வெள்ளிக்கிழமை நடைபெற்றது.