வாழப்பாடியில் ரூ. 15 லட்சம் செலவில் இடம் மாறிய கட்டடம்

சேலம் மாவட்டம், வாழப்பாடியில் 1,500 சதுரஅடியில் கட்டப்பட்டிருந்த இரண்டடுக்கு கட்டடத்தை 3 மாநில வல்லுநர்கள் 3 மாதங்கள் முயன்று 150 அடி தொலைவுக்கு நகர்த்தி அமைத்துள்ளனர்.

- நமது நிருபர்

நமது நிருபர் வாழப்பாடி, ஏப். 15: கட்டடத்தை அகற்ற வேண்டிய சூழலில் தங்களது மனநிறைவுக்காக ரூ. 15 லட்சம் செலவில் தொழில்நுட்ப உதவியுடன் அதை இடம்பெயர்த்து வைத்துள்ளனர் அந்த குடும்பத்தினர்.

சேலம் மாவட்டம், வாழப்பாடி பேரூராட்சி பாட்டப்பன் நகரைச் சேர்ந்தவர் பட்டதாரி இளைஞர் பாரத் ராஜேந்திரன். இவருக்குச் சொந்தமான 1500 சதுரஅடி கொண்ட இரண்டடுக்கு வணிக கடையோடு கூடிய குடியிருப்புக் கட்டடம் வாழப்பாடி- பேளூர் சாலையில் உள்ளது. இப்பகுதியில் பெட்ரோல் விற்பனை நிலையம் அமைக்கப்படுவதால், தரைதளத்தில் 4 கடைகளும், முதல்தளத்தில் வீடும் கொண்ட இந்தக் கட்டடத்தை அகற்ற வேண்டிய நிலை ஏற்பட்டது.