சமூக ஊடகங்களை ஆக்கிரமிக்கும்

சமூக ஊடகங்களில் திரும்பிய பக்கமெல்லாம் ஜிப்லி கார்ட்டூன் படங்களே நிறைந்திருக்கின்றன.

- 

மக்கள் அனைவரும் தங்களின் புகைப்படங்களை ஜிப்லி கார்ட்டூன் பாணியிலான அனிமேஷன் (வரைகலை) படங்களாக மாற்றி, தங்கள் சமூக ஊடகக் கணக்குகளில் பதிவிட்டு வருகின்றனர். பலரது சுயவிவரப் படங்களிலும் இந்த ஜிப்லி கார்ட்டூன் படங்கள் அலங்கரிக்கின்றன.

ஓபன் ஏஐ நிறுவனத்தின் செயற்கை நுண்ணறிவு (ஏஐ) கருவியான 'சாட்ஜிபிடி' உள்ளிட்ட சில தகவல் உதவி செயலிகள்தான் மக்களுக்கு இந்த ஜிப்லி கார்ட்டூன் படங்களை இலவசமாக உருவாக்கித் தருகின்றன.

சமூக ஊடகங்களை ஆக்கிரமித்திருக்கும் ஜிப்லி கார்ட்டூன் படங்களை அரசியல் தலைவர்களும் பகிர்ந்து வருகின்றனர். பிரதமர் நரேந்திர மோடி, தமிழக முதல்வர் மு.க. ஸ்டாலின், எதிர்க்கட்சித் தலைவர் எடப்பாடி கே.பழனிசாமி உள்ளிட்டோரின் ஜிப்லி கார்ட்டூன் படங்கள் சமூக ஊடகங்களில் பகிரப்பட்டுள்ளன.