மார்க்சிஸ்ட் கம்யூனிஸ்ட் அகில இந்திய மாநாடு இன்று தொடக்கம்

மார்க்சிஸ்ட் கம்யூனிஸ்ட் கட்சியின் 24-ஆவது அகில இந்திய மாநாடு மதுரை தமுக்கம் மைதானத்தில் புதன்கிழமை தொடங்குகிறது. மாநாட்டில் கேரள முதல்வர் பினராயி விஜயன், திரிபுரா மாநில முன்னாள் முதல்வர் மாணிக் சர்க்கர் உள்ளிட்ட தலைவர்கள் பங்கேற்கின்றனர்.

- 

மதுரை, ஏப். 1: மார்க்சிஸ்ட் கம்யூனிஸ்ட் கட்சியின் 24-ஆவது அகில இந்திய மாநாடு மதுரை தமுக்கம் மைதானத்தில் புதன்கிழமை தொடங்குகிறது. மாநாட்டில் கேரள முதல்வர் பினராயி விஜயன், திரிபுரா மாநில முன்னாள் முதல்வர் மாணிக் சர்க்கர் உள்ளிட்ட தலைவர்கள் பங்கேற்கின்றனர்.

மார்க்சிஸ்ட் கம்யூனிஸ்ட் கட்சியின் அகில இந்திய மாநாடு மதுரையில் ஏப்ரல் 2-ஆம் தேதி தொடங்கி 6-ஆம் தேதி வரை நடைபெறுகிறது. முதல் நாளான புதன்கிழமை காலை மாநாடு தொடங்குதையொட்டி கொடி ஏற்ற நிகழ்ச்சி நடைபெறுகிறது. இதில் மேற்கு வங்க மாநில மார்க்சிஸ்ட் கம்யூனிஸ்ட் மூத்த தலைவர் பிமன் பாசு கொடியேற்றுகிறார். இதைத்தொடர்ந்து, பொது மாநாடு நடைபெறுகிறது.