நடமாடும் சட்ட உதவி மையம்: மும்பை சமூக அமைப்பின் புதிய முயற்சி

மகாராஷ்டிர மாநிலம், மும்பையில் மூத்த குடிமக்கள் மற்றும் சமூகத்தின் விளிம்புநிலை மக்களுக்கு இலவசமாக சட்ட உதவி வழங்கும் வகையில் நடமாடும் சட்ட உதவி மையத்தை இங்குள்ள தன்னார்வ தொண்டு அமைப்பு தொடங்கி, செயல்படுத்தி வருகிறது.

- 

மும்பை, மார்ச் 16:

வழக்குரைஞர்கள், சட்ட தன்னார்வலர்கள் தலா இருவர் என மொத்தம் 4 பேருடன் செயல்படும் இந்த நடமாடும் சட்ட உதவி மையம், மும்பையில் மட்டுமல்லாமல் அருகேயுள்ள புணே நகரம் மற்றும் மாநிலத்தின் பிற மாவட்டங்களிலும் சட்ட உதவி தேவைப்படுபவர்களுக்கு சேவையை வழங்கி வருகிறது.

சட்ட உதவியை மேலும் அணுகக்கூடியதாக மாற்றுவதன் மூலம் விளிம்புநிலை மக்களுக்கு சரியான நேரத்தில் ஆதரவு கிடைப்பதை உறுதி செய்வதற்கு இந்த முன்னெடுப்பு கடந்த ஒரு மாதத்துக்கு முன்பு தொடங்கப்பட்டது என இச்சேவையில் ஈடுபட்டுள்ள தன்னார்வ தொண்டு அமைப்பின் நிறுவனரும் வழக்குரைஞருமான பிரகாஷ் சல்சிங்கிகர் தெரிவித்தார்.