அமைச்சகங்கள் இடையே ஒத்துழைப்பு அவசியம்

எத்தகைய சவாலுக்கும் தீர்வு காண மத்திய அமைச்சகங்கள் இடையே ஒத்துழைப்பு அவசியம் என்று பிரதமர் நரேந்திர மோடி வலியுறுத்தினார்.

- 

அத்தகைய ஒருங்கிணைப்பின் மூலம் இளநிலை மருத்துவப் படிப்புக்கான நீட் மறுதேர்வு சுமுகமான முறையில் நடத்தப்பட்டதாகவும் அவர் பாராட்டு தெரிவித்தார்.

இளநிலை மருத்துவப் படிப்புகளுக்கான தகுதிகாண் நுழைவுத் தேர்வு (நீட்) கடந்த மே 3-ஆம் தேதி நடைபெற்றது. நாடு முழுவதும் 22 லட்சம் பேர் எழுதிய இத்தேர்வின் வினாத்தாளில் இருந்த அதே கேள்விகள் இடம்பெற்ற மாதிரி வினாத்தாள், ராஜஸ்தானில் முன்கூட்டியே வெளியானதாகப் புகார்கள் எழுந்தன. முதல்கட்ட விசாரணையில் இந்த மாதிரி வினாத்தாள் வாட்ஸ்ஆப், டெலிகிராம் செயலி மூலம் பல்வேறு மாநிலங்களில் பரவியது கண்டறியப்பட்டதால், நீட் தேர்வு ரத்து செய்யப்பட்டது. இது தொடர்பான வழக்கு விசாரணை சிபிஐ-யிடம் ஒப்படைக்கப்பட்டது.