6,100 கிலோ செயற்கைக்கோள்

எல்விஎம்-3 ராக்கெட் மூலம் செலுத்தி இஸ்ரோ புதிய சாதனை

- 

அமெரிக்காவின் ப்ளூபேர்ட்-6 தகவல் தொடர்பு செயற்கைக்கோளுடன் எல்விஎம்-3 ராக்கெட் வெற்றிகரமாக புதன்கிழமை (டிச. 24) விண்ணில் செலுத்தப்பட்டது.

இஸ்ரோ அனுப்பியதிலேயே அதிக எடை கொண்ட (6,100 கிலோ) அந்தச் செயற்கைக்கோள், திட்டமிட்ட பாதையில் துல்லியமாக நிலைநிறுத்தப்பட்டது.

இந்திய விண்வெளி ஆய்வு நிறுவனத்தின் (இஸ்ரோ) கீழ் செயல்படும் நியூஸ்பேஸ் இந்தியா லிமிடெட் நிறுவனம் வெளிநாட்டு செயற்கைக்கோள்களை விண்ணுக்கு அனுப்பும் வர்த்தக நடவடிக்கைகளை மேற்கொண்டு வருகிறது.

அதன்படி, இதுவரை 430-க்கும் மேற்பட்ட வெளிநாட்டு செயற்கைக்கோள்களை நியூஸ்பேஸ் நிறுவனம் வெற்றிகரமாக விண்ணில் செலுத்தியுள்ளது. பெரும்பாலான உலக நாடுகளின் விண்வெளி ஆய்வு நடவடிக்கைகளுக்கு இஸ்ரோ பங்களித்து வருகிறது.