புதிய வான் பாதுகாப்பு ஏவுகணை: வடகொரியா சோதனை

அமெரிக்காவும், தென்கொரியாவும் கூட்டு போர்ப்பயிற்சியில் ஈடுபட்டுள்ள நிலையில், புதிய வகை வான் பாதுகாப்பு ஏவுகணைகளின் சோதனையை வடகொரியா நடத்தியது.

- 

சியோல், ஆக. 24:

இந்த ஏவுகணைகள், சிறிய ரக ஆளில்லா விமானங்கள் (ட்ரோன்கள்) மற்றும் 'க்ரூஸ்' ஏவுகணைகள் போன்ற வான்வழித் தாக்குதல்களைத் திறம்பட எதிர்கொள்ளும் ஆற்றல் கொண்டவை என வடகொரிய அரசின் செய்தி நிறுவனமான 'கேசிஎன்ஏ' ஞாயிற்றுக்கிழமை தெரிவித்தது.

ஏவுகணை சோதனையைப் பார்த்த அதிபர் கிம் ஜோங் உன், அடுத்த ஆண்டு நடைபெறவுள்ள முக்கிய அரசியல் மாநாட்டுக்கு முன்னர், ராணுவ விஞ்ஞானிகளுக்கு சில முக்கியப் பணிகளை வழங்கியுள்ளதாகவும் அந்தச் செய்தி அறிக்கையில் குறிப்பிடப்பட்டுள்ளது.