பொன்முடிக்கு எதிரான வழக்கு: காவல் துறைக்கு உயர்நீதிமன்றம் உத்தரவு

சைவ, வைணவ மதங்கள் மற்றும் பெண்கள் குறித்து சர்ச்சைக்குரிய கருத்து தெரிவித்த வழக்கில் முன்னாள் அமைச்சர் பொன்முடிக்கு எதிரான புகார்கள் முடித்துவைக்கப்பட்டது தொடர்பாக போலீஸார் விரிவான பதில்மனு தாக்கல் செய்ய சென்னை உயர்நீதிமன்றம் உத்தரவிட்டது.

- 

சென்னை, ஆக.4:

திமுக முன்னாள் அமைச்சர் பொன்முடி நிகழ்ச்சி ஒன்றில் பெண்கள் குறித்தும் சைவ, வைணவ மதங்கள் குறித்தும் பேசிய கருத்துகள் சர்ச்சையானது. இதையடுத்து, பொன்முடிக்கு எதிராக சென்னை உயர்நீதிமன்ற நீதிபதி என்.ஆனந்த் வெங்கடேஷ் தாமாக முன்வந்து வழக்கை விசாரணைக்கு எடுத்து, தலைமை நீதிபதிக்கு பரிந்துரைந்தார். இந்த வழக்கை நீதிபதி பி.வேல்முருகன் விசாரிக்க தலைமை நீதிபதி உத்தரவிட்டார்.