பஹல்காம் தாக்குதலில் ஈடுபட்ட 3 பயங்கரவாதிகள் கொல்லப்பட்டனர்

மக்களவையில் அமித் ஷா அறிவிப்பு

- 

புது தில்லி, ஜூலை 29: பஹல்காம் பயங்கரவாதத் தாக்குதலில் ஈடுபட்ட 3 பயங்கரவாதிகள் ஜம்மு-காஷ்மீரில் பாதுகாப்புப் படையினரால் சுட்டுக் கொல்லப்பட்டனர். ஏப்ரல் 22-ஆம் தேதி பஹல்காமில் சுற்றுலாப் பயணிகள் மீது நடத்திய தாக்குதலில் ஈடுபட்டதும் இவர்கள்தான் என்பது உறுதிப்படுத்தப்பட்டுள்ளது.

தாக மத்திய உள்துறை அமைச்சர் அமித் ஷா மக்களவையில் செவ்வாய்க்கிழமை தெரிவித்தார். மக்களவையில் ஆபரேஷன் சிந்தூர் தொடர்பான சிறப்பு விவாதத்தில் இரண்டாவது நாளாகப் பங்கேற்று அமித் ஷா பேசியதாவது: ஜம்மு-காஷ்மீரில் ஆபரேஷன் மகா தேவ் நடவடிக்கை மூலம் திங்கள்கிழமை 3 பயங்கரவாதிகள் கொல்லப்பட்டனர். அவர்கள் சுலைமான் என்ற ஃபைசல், ஆப் கானி, ஜிப்ரான் என அடையாளம் காணப்பட்டுள்ளது. இதில் சுலைமான் லஷ்கர்-ஏ-தொய்பா பயங்கரவாத அமைப்பின் முதல் நிலை கமாண்டர். ஆப்கானியும் அதே பயங்கரவாத அமைப்பைச் சேர்ந்த வர்தான். ஜிப்ரான் பயங்கரவாத நடவடிக்கைகளில் ஈடுபட்டதால் தேடப்படும் நபராக அறிவிக்கப்பட்டவர்.