கோயிலில் படப்பிடிப்பு நடத்த அனுமதித்த விவகாரம்: அறநிலையத் துறை இணை ஆணையர் பதிலளிக்க உத்தரவு

தஞ்சாவூர் மாவட்டம், திருவிடைமருதூர் மகாலிங்க சுவாமி கோயிலில் முறையான அனுமதியின்றி வேட்டுவம் திரைப்படப் படப்பிடிப்பு நடத்த அனுமதி வழங்கிய அதிகாரிகள் மீது நடவடிக்கை எடுக்கக் கோரிய வழக்கில், இந்து சமய அறநிலையத் துறை இணை ஆணையர் பதிலளிக்க சென்னை உயர்நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, ஜூலை 23:

சேலம் மாவட்டத்தைச் சேர்ந்த ராதாகிருஷ்ணன் தாக்கல் செய்த மனு: தஞ்சாவூர் மாவட்டம், திருவிடைமருதூரில் அமைந்துள்ள மகாலிங்க சுவாமி கோயில், வரலாற்று சிறப்புமிக்கது. இந்தக் கோயிலில் ஏராளமான கல்வெட்டுகள் உள்ளன. சைவ பக்தர்கள் இந்தக் கோயிலுக்கு ஆர்வமுடன் வந்து செல்கின்றனர். கோயில் திருவாவடுதுறை ஆதீனம், இந்து சமய அறநிலையத் துறை கட்டுபாட்டில் உள்ளது.