ராஜேந்திர சோழன் பிறந்த தினம் அரியலூரில் ரூ.19 கோடியில் ஏரி - சுற்றுலா மேம்பாட்டுப் பணிகள்

மாமன்னர் ராஜேந்திர சோழன் பிறந்த தினமாகக் கருதப்படும் ஆடித் திருவாதிரையை யொட்டி, அரியலூர் மாவட்டத்தில் உள்ள ஏரி மற்றும் சுற்றுலாத் தலங்கள் ரூ.19.25 கோடியில் மேம்படுத்தப்படும் என்று முதல்வர் மு.க.ஸ்டாலின் அறிவித்துள்ளார்.

- 

சென்னை, ஜூலை 22:

இதுகுறித்து, தமிழக அரசு சார்பில் வெளியிடப்பட்ட செய்திக் குறிப்பு:

அரியலூர் மாவட்டம் கங்கைகொண்ட சோழபுரத்தில் மாமன்னர் ராஜேந்திர சோழன் பிறந்த தினமான ஆடித் திருவாதிரை விழா, 2021-ஆம் ஆண்டு முதல் அரசு விழாவாகக் கொண்டாடப்பட்டு வருகிறது. ராஜேந்திர சோழன் தனது அளப்பரிய போர்த்திறத்தால், கடாரம் உள்ளிட்ட தெற்காசிய நாடுகளை வெற்றிகண்டு ஆயிரம் ஆண்டுகள் நிறைவடைந்த நிகழ்வைச் சிறப்பிக்கும் வகையில் புதிய அறிவிப்புகள் வெளியிடப்பட்டுள்ளன.

அதாவது, நிகழாண்டு ஆடித் திருவாதிரை தினத்தை யொட்டி அரியலூர் மாவட்டத்துக்குப் பலன் சேர்க்கும் அறிவிப்புகள் செய்யப்படுகின்றன.