தவெக கட்சிக் கொடி விவகாரம்: இடைக்கால மனுவை வாபஸ் பெறுவதாக பகுஜன் சமாஜ் தகவல்

தவெக கட்சிக் கொடியில் யானை சின்னத்தைப் பயன்படுத்தத் தடை விதிக்கக் கோரி தொடுக்கப்பட்ட வழக்கில் தாக்கல் செய்யப்பட்ட இடைக்கால மனுவைத் திரும்பப் பெற்றுக்கொள்வதாக பகுஜன் சமாஜ் கட்சி சென்னை முதலாவது உரிமையியல் நீதிமன்றத்தில் தெரிவித்தது.

- 

சென்னை, ஜூலை 11:

பகுஜன் சமாஜ் கட்சியின் தமிழக பொதுச் செயலர் பெரியார் அன்பன் தாக்கல் செய்த மனுவில், தவெக கட்சிக்கொடியில் யானை சின்னத்தைப் பயன்படுத்தத் தடை விதிக்க வேண்டும் என்று கோரியிருந்தார். இந்த வழக்கில் இறுதி உத்தரவு பிறப்பிக்கும் வரை யானை சின்னத்தைப் பயன்படுத்த தவெகவுக்கு இடைக்கால தடை விதிக்கக் கோரி இடைக்கால மனு ஒன்றையும் பெரியார் அன்பன் தாக்கல் செய்தார்.