மதுரை மீனாட்சி சுந்தரேசுவரர் கோயில் சித்திரைத் திருவிழா ஏப்.29-இல் தொடக்கம்

மதுரை மீனாட்சி சுந்தரேசுவரர் கோயில் சித்திரைத் திருவிழா வருகிற 29-ஆம் தேதி கொடியேற்றத்துடன் தொடங்க உள்ளது.

- 

மதுரை, ஏப். 14: இந்த விழாவின் முக்கிய நிகழ்வான மீனாட்சி சுந்தரேசுவரர் திருக்கல்யாணம் மே 8-ஆம் தேதி நடைபெறும்.

மதுரை மீனாட்சி சுந்தரேசுவரர் கோயில் சித்திரைத் திருவிழா உலகப் புகழ் பெற்றது. இந்தத் திருவிழா நடைபெறும் நாள்களில் சுவாமி, அம்மன் தினசரி பல்வேறு வாகனங்களில் நான்கு மாசி வீதிகளில் வலம் வந்து அருள்பாலிப்பர்.

திருவிழாவின் முக்கிய நிகழ்வான திருக்கல்யாணம், தேரோட்டத்தில் லட்சக்கணக்கான மக்கள் பங்கேற்று சுவாமி, அம்மனை தரிசனம் செய்வர்.