4-ஆவது சுற்றில் அல்கராஸ், ஃப்ரிட்ஸ்

சபலென்கா, கௌஃப் முன்னேற்றம்

- 

இண்டியன் வெல்ஸ், மார்ச் 11:

போட்டித்தரவரிசையில் 13-ஆம் இடத்திலிருக்கும் பிரிட்டனின் ஜேக் டிரேப்பரை சந்திக்கிறார்.

அமெரிக்காவில் நடைபெறும் இண்டியன் வெல்ஸ் ஓபன் மாஸ்டர்ஸ் டென்னிஸ் போட்டியில் நடப்பு சாம்பியனான ஸ்பெயினின் கார்லோஸ் அல்கராஸ் 4-ஆவது சுற்றுக்கு செவ்வாய்க்கிழமை முன்னேறினார்.

போட்டித்தரவரிசையில் 2-ஆம் இடத்திலிருக்கும் அவர், ஆடவர் ஒற்றையர் 3-ஆவது சுற்றில் 6-2, 6-4 என்ற நேர் செட்களில், 27-ஆம் இடத்திலிருந்த கனடாவின் டெனிஸ் ஷபோவலோவை வெளியேற்றினார். இந்த ஆட்டம் 1 மணி நேரம் 24 நிமிஷங்களில் நிறைவடைந்தது.

4 முறை கிராண்ட்ஸ்லாம் சாம்பியனான அல்கராஸ், இப்போட்டியில் தொடர்ந்து 14-ஆவது வெற்றியைப் பதிவு செய்திருக்கிறார். அடுத்ததாக காலிறுதிக்கு முந்தைய சுற்றில், பல்கேரியாவின் கிரிகோர் டிமிட்ரோவுடன் அவர் மோதுகிறார்.

டிமிட்ரோவ் - அல்கராஸ் இதுவரை 5 முறை சந்தித்திருக்க, அல்கராஸ் 3 வெற்றிகளுடன் முன்னிலையில் இருக்கிறார். எனினும், கடைசி இரு சந்திப்புகளில் டிமிட்ரோவே வென்றதும், அவை மாஸ்டர்ஸ் போட்டிகள் என்பதும் குறிப்பிடத்தக்கது.

போட்டித்தரவரிசையில் 14-ஆம் இடத்திலிருக்கும் டிமிட்ரோவ் 7-6 (7/4), 4-6, 7-6 (7/2) என்ற கணக்கில் பிரான்ஸின் கேல் மான்ஃபில்ஸை 3 மணி நேரம் போராடி தோற்கடித்து, காலிறுதிக்கு முந்தைய சுற்றுக்கு வந்திருக்கிறார்.