சோதனை அடிப்படையில் காலி மதுப் புட்டிகள் பெறும் இயந்திரம் அறிமுகம்

தமிழகத்தில் டாஸ்மாக் மதுக் கடைகளில் விற்கப்படும் மதுபானங்களின் காலி மதுப் புட்டிகளை திரும்பப் பெறுவதற்காக, செயற்கை நுண்ணறிவு தொழில்நுட்பத்துடன் செயல்படும் தானியங்கி இயந்திரத்தை டாஸ்மாக் நிறுவனம் சோதனை அடிப்படையில் எழும்பூரில் அறிமுகப்படுத்தியுள்ளது.

- 

காலி கண்ணாடி மதுப் புட்டிகள் சாலைகள், பொதுஇடங்கள், மலைப்பகுதிகள் உள்ளிட்ட இடங்களில் தூக்கி எறியப்படுவது சுற்றுச் சூழல் மற்றும் பொதுமக்கள் பாதுகாப்பு தொடர்பாக நீண்டகால பிரச்னையாக இருந்து வருகிறது.

இந்த நிலையில், காலி மதுப்புட்டிகளை திரும்பப் பெறுவதற்கான நடைமுறையைக் கொண்டு வர சென்னை உயர் நீதிமன்றம் உத்தரவிட்டதைத் தொடர்ந்து, டாஸ்மாக் நிறுவனம் 'டெபாசிட் ரிட்டர்ன்' முறையை அமல்படுத்தியது.