இந்தியாவில் தடம் பதிக்கும் வலுரா ஏ.ஐ: 1,000 நிதி ஆலோசகர்கள் இணைப்பு

ஐக்கிய அரபு அமீரகத்தைத் தலைமையிடமாகக் கொண்டு செயல்படும் செயற்கை நுண்ணறிவு சார்ந்த சர்வதேச முதலீட்டுத் தளமான 'வலுரா ஏ. ஐ. ', தனது இந்திய சேவையை அதிகாரபூர்வமாகத் தொடங்குவதற்கு முன்னர் 1,000-க்கும் மேற்பட்ட நிதி ஆலோசகர்களைத் தன்னுடன் இணைத்துக் கொண்டுள்ளது.

- 

இதில் சுயாதீன நிதி ஆலோசகர்கள், பதிவுசெய்யப்பட்ட முதலீட்டு நிபுணர்கள் மற்றும் பட்டயக் கணக்காளர்கள் ஆகியோர் இடம்பெற்றுள்ளனர். இதன்மூலம், அடுத்த ஒன்றரை ஆண்டுகளில் சுமார் ரூ.3,000 கோடிக்கும் அதிகமான முதலீடுகளை நிர்வகிக்க இலக்கு நிர்ணயிக்கப்பட்டுள்ளது.