பங்குச் சந்தையில் மீண்டும் 'கரடி'யின் பிடி!

கச்சா எண்ணெய் விலை கடும் உயர்வு, அமெரிக்க மத்திய வங்கியின் மாற்றமில்லாத வட்டி விகிதங்கள் ஆகியவற்றின் காரணமாக, இந்தியப் பங்குச் சந்தையில் வியாழக்கிழமை மீண்டும் 'கரடி' யின் ஆதிக்கம் மேலோங்கியது.

- 

இதைத் தொடர்ந்து, கடந்த 3 நாள்களாக நீடித்த ஏற்றம் முடிவுக்கு வந்து, மும்பை பங்குச்சந்தைக் குறியீடான சென்செக்ஸ், தேசிய பங்குச்சந்தைக் குறியீடான நிஃப்டி ஆகிய இரண்டும் சுமார் 3 சதவீதத்துக்கும் மேல் சரிந்து, ஓராண்டு கால குறைந்தபட்ச நிலையை எட்டின.

உலகளாவிய சந்தைகளில் நிலவிய பலவீனமான போக்கு மற்றும் வளைகுடா நாடுகளில் நிலவும் போர்பதற்றம் உள்நாட்டுச் சந்தையில் பெரும் தாக்கத்தை ஏற்படுத்தி, முதலீட்டாளர்களின் உணர்வை வெகுவாகப் பாதித்தது.