2016 முதல் நீதிபதிகள் மீது 8,600 புகார்கள்: நாடாளுமன்றத்தில் மத்திய அரசு தகவல்

'கடந்த 2016-ஆம் ஆண்டுமுதல் நீதிபதிகளுக்கு எதிராக உச்சநீதிமன்றத் தலைமை நீதிபதி அலுவலகத்துக்கு 8,600-க்கும் அதிகமான புகார்கள் அளிக்கப்பட்டுள்ளன' என்று நாடாளுமன்றத்தில் மத்திய அரசு சார்பில் வெள்ளிக்கிழமை தெரிவிக்கப்பட்டது.

- 

மக்களவையில் இதுதொடர்பாக எழுப்பப்பட்ட கேள்விக்கு சட்ட அமைச்சர் அர்ஜூன் ராம் மேக்வால் எழுத்துபூர்வமாக அளித்த பதிலில் கூறியிருப்பதாவது:

2016-ஆம் ஆண்டுமுதல் 2025-ஆம் ஆண்டு வரையிலான காலகட்டத்தில் நீதிபதிகளுக்கு எதிராக 8,639 புகார்கள் அளிக்கப்பட்டன. இதில், அதிகபட்சமாக 2024-ஆம் ஆண்டு 1,170 புகார்கள் அளிக்கப்பட்டன.